بننظّم السُلفة بين الأهل والصحاب: اتفاق واضح، أقساط محددة، ومتابعة للسداد. وبنطوّر حماية للمُسلِّف لو حصل تعثّر، بشروط هتكون واضحة قبل أي اتفاق.
حد قريب منك محتاج سُلفة. إنت حابب تقف جنبه، بس بتفكر:
هنختلف بعدين على المبلغ أو ميعاد السداد؟
هفضل كل شهر أفكّره وأطلب فلوسي؟
ولو حصل تعثّر، مين هيتابع الموضوع؟
ولو إنت اللي محتاج السُلفة، إزاي تطمّن الشخص اللي هيساعدك إن فيه خطة واضحة لردّ فلوسه؟
المبلغ، مدة السداد، والشخص اللي هيسلّف أو يستلف.
نتحقق من هوية الطرفين ونقيّم قدرة المقترض على السداد، لتحديد قبول الطلب وإمكانية الحماية.
راجعوا الأقساط والرسوم والشروط، ووافقوا على اتفاق واضح يتسجّل للطرفين.
كل دفعة تتسجّل، والمبلغ المتبقي يبقى واضح، والتذكيرات توصلكم في مواعيدها.
اللي استلف يقدر يطلب تمديد مدة السداد أو إعادة جدولة الأقساط. لو الطرفين وافقوا، يتوثّق التعديل ويتحدّث جدول السداد، مع الاحتفاظ بالاتفاق السابق. وأي أثر على الرسوم أو الحماية يتوضّح قبل الموافقة.
بنطوّر آلية لحماية المُسلِّف في السُلف اللي تستوفي شروط القبول، بحيث يتم التعويض وفق شروط وتوقيتات محددة، مع متابعة المبلغ المستحق على المقترض.
تفاصيل التغطية وحدودها ورسومها لسه قيد الإعداد، وهتكون واضحة قبل أي معاملة.
سيب بياناتك وقولنا إنت غالبًا هتسلّف ولا هتستلف، وهنكلمك أول ما التجربة تفتح.
وصلنا، شكرًا!
هنكلمك أول ما التجربة تفتح.